常 見 問 題
Frequently Asked Questions
學幾多堂先學得識游水？
要視乎你自身能力。每人能力不同，學識既定義都唔一樣。係未見到新學員們個人能力既情況下 未能憑空預計你地幾多堂可學識。
教練們會因應每位學員既能力去安排合適既教學內容，學員們亦可上堂跟教練討論及了解個人情況。
係課堂上教練們必定用心教學，但留意於課堂以外時段，亦需要配合個人練習，所以心急想盡快學識既初學學員們，就要勤加練習喇 !
初學人士建議同朋友仔係淺水區進行練習，安全至上！
恆常班會學咩泳式？
主要教授自由式及蛙式。每人情況都唔一樣，教練會因應學員既能力和表現去安排教學內容。
- 若學員原本已識游其中一項泳式，教練都會幫忙改善姿勢。
- 學員如有指定想學泳式，亦可主動同教練溝通。
敬請知悉打好基礎好緊要喔，有好嘅基礎學其他泳式就會事半功倍！
擔心跟其他團員既進度不同？
不用擔心，因為每人能力唔同，每位團員既程度都會唔同。
上面有提及「教練們會因應每位團員既能力去安排合適既教學內容」，所以有機會同班團員既練習會唔相同。
大家盡力做好教練安排既練習就可以了;D
泳池可唔可以著 Tee 落水？
公眾泳池可以攜帶清潔及白底的T恤，因為泳池水有漂白水成份，全白T恤可避免甩色。
注意，T恤沒有保暖作用且阻礙活動，有機會影響課堂表現。
建議：選著長袖防曬衣！質料快乾，相對貼身、防走光，亦具輕微保暖作用。
教練係咪女教練？是否有經驗？
SWIMATES 由女性教練團隊主理及授課。
教練團經由團長嚴選，並親自指導游泳教學技巧！每位教練均具一定教學經驗，且有同理心、耐性、教學技術細緻。
即日請假，無得補堂？
視乎各學員所選泳班課程，已包括指定請假次數。學員可因應個人情況而安排請假日期。
Swimates 承諾小班教學，嚴謹控制每一課上課人數及教練安排。學員如因個人理由即日請假、請假多於所選課程指定次數。該課堂都須在已預留閣下上堂名額之情況下 照樣進行。
為了對每位學員公平起見而設定合理的請假規定，因此上課當天請假，該課堂缺席會當作放棄課堂論，將不會個別安排額外補堂。如有不便，敬希理解🙇♀🙇♀
恆常班 9 堂一期課程病假申請，請於「課堂須知」網頁內了解詳情。
上堂必須要帶浮板嗎？就算我識飄浮，識游少少的話無浮板可否上堂？
敬請浮板自備。有帶有得用 ;D
有浮板嘅話，教練可安排合適練習來幫助學員們改善呼吸、調整節奏等。
沒有浮板當然都可上課，但有可能影響課堂練習效果，以及影響學習游泳既進度。
浮具屬輔助物。情況類似初學踩單車使用輔助轆，無輔助轆一樣可以學踩單車，可能跌倒機會較多及學習須時較長。
P.S. 全包團必須自備浮板。
「經期可否游水」? 有咩方法解決？
憂慮經期影響而做唔到運動係女生們嘅一大疑問！其實視乎你哋願唔願意打破傳統概念，接受不同類型嘅處理方法。若因經痛導致身體不適，當然建議大家留喺屋企好好休息。
教練團隊卻不能夠因為經期而缺席授課喔！一般會選用綿條或月經杯，想了解更多亦可以主動聯繫我地。
「若學員們想避免即日請假或請假多於所選課程指定次數、同時又未想嘗試用綿條或月經杯而照計一課。教練團建議各位多了解自己身體狀況及自行預計經期時間！」
如以上情境未能解決你既疑問，請直接 https://wa.me/85263009527 向行政專員查詢。